ព័ត៌មានសេដ្ឋកិច្ច និងបច្ចេកវិទ្យា

ចូលរួមសម្ពោធឆ្លង “ព្រះបទុមចេតិយ ក្នុងវត្តមណីរតនារាម ខេត្តពោធិ៍សាត់” ។ ព្រះពុទ្ធសាសនាបានចាក់ឫសយ៉ាងជ្រៅទៅក្នុងសង្គមខ្មែរ។ បន្ទាប់ពីព្រះពុទ្ធសាសនាត្រូវបានអាប់ឱនដោយសារសង្រ្គាម និងត្រូវបានបំផ្លាញដោយសាររបបប្រល័យពូជសាសន៍ប៉ុលពត បច្ចុប្បន្ននេះព្រះពុទ្ធសាសបាននិងកំពុងអភិវឌ្ឍរីកចម្រើនយ៉ាងឆាប់រហ័សក្រោមដំបូលសុខសន្តិភាព ជាមួយនឹងការបើកចំហសេរីភាពបដិបត្តិជំនឿ សាសនា ដែលជាមូលដ្ឋាននៃសុខដុមនីយកម្មសាសនានៅកម្ពុជា។ រដ្ឋធម្មនុញ្ញនៃព្រះរាជាណាចក្រកម្ពុជា បានកំណត់ថា ព្រះពុទ្ធសាសនា ជាសាសនារបស់រដ្ឋ ហើយចារិកជាបាវចនារបស់ប្រទេសជាតិគឺ “ជាតិ សាសនា ព្រះមហាក្សត្រ” នេះគឺបានញ្ជាក់យ៉ាងច្បាស់ថា បច្ចុប្បន្នក៏ដូចជាទៅអនាគត រាជរដ្ឋាភិបាលកម្ពុជាបន្តអនុវត្តដោយខ្ជាប់ខ្ជួនក្នុងការគោរពសេរីភាពខាងជំនឿ ការប្រណិប័តន៍ខាងផ្លូវសាសនា លើកស្ទួយព្រះពុទ្ធសាសនាដែលជាសាសនារបស់រដ្ឋ និងគាំទ្រការប្រណិប័តន៍សាសនាផ្សេងៗទៀត និងខិតខំធ្វើឲ្យវត្តអារាម និងវិហារសាសនាឯទៀតៗ ក្លាយជាមជ្ឈមណ្ឌលនៃជីវភាពខាងស្មារតី ដែលចូលរួមយ៉ាងសកម្មក្នុងការអភិវឌ្ឍសង្គមជាតិ ខាងផ្នែកវប្បធម៌ អប់រំ សុខាភិបាល សង្គមកិច្ច និងសីលធម៌សង្គម។ រាជធានីភ្នំពេញ ព្រឹកថ្ងៃអាទិត្យ ទី៣១ មីនា ២០២៤

  ស្ពានអាកាសមរតកតេជោ គឺជាសមិទ្ធផលហេដ្ឋារចនាសម្ព័ន្ធថ្មីមួយបន្ថែមទៀត ដែលនឹងដាក់ឱ្យប្រើប្រាស់ជាបណ្តោះអាសន្ន នាថ្ងៃទី១ មេសា ២០២៤ មុនបុណ្យចូលឆ្នាំថ្មីប្រពៃណីជាតិ ស្ពានអាកាសនេះ មានទីតាំងស្ថិតនៅចំណុចប្រសព្វរវាងមហាវិថីសម្តេចតេជោ ហ៊ុន សែន មហាវិថី​ព្រះមុនីវង្ស​ និងមហាវិថីយោធពលខេមរភូមិន្ទ (ផ្លូវ២៧១)​ ស្ថិត​ក្នុង​មូលដ្ឋាន​ខណ្ឌ​មានជ័យ​ និង​ខណ្ឌ​ចំការមន​ រាជធានី​ភ្នំពេញ​ ដែលសាងសង់ដោយក្រុមវិស្វករខ្មែរនៃក្រុមហ៊ុនវិនិយោគទុនអាណិកជនកម្ពុជា (OCIC) ដោយក្នុងនោះ ស្ពានអាកាសជាន់ទី២ ដែលតភ្ជាប់ពីមហាវិថីសម្តេចតេជោ ហ៊ុន សែន មក មហាវិថី​ព្រះមុនីវង្ស​ ដោយបច្ចុប្បន្នសាងសង់សម្រេចបានប្រមាណ ៨០% ដោយគ្រោងបញ្ចប់ការសាងសង់នៅចុងខែមីនា ឆ្នាំ២០២៤ ខាងមុខនេះ ហើយនឹងដាក់ឱ្យប្រើប្រាស់ជាបណ្ដោះអាសន្ន នៅមុនពេលបុណ្យចូលឆ្នាំថ្មីប្រពៃណីជាតិ នាពេលខាងមុខ ដើម្បីចូលរួមចំណែក ក្នុងការកាត់បន្ថយការកកស្ទះចរាចរណ៍ និងបង្កលក្ខណៈងាយស្រួលក្នុងការធ្វើដំណើររបស់ប្រជាពលរដ្ឋ ជាពិសេស ជំរុញដល់ការបែងចែកផ្លែផ្កាសេដ្ឋកិច្ចប្រកបដោយសមធម៌ជូនប្រជាពលរដ្ឋ ។ ផ្លូវ គឺ​ជាអាទិភាពគន្លឹះទី២ នៅក្នុងអាទិភាពគន្លឹះទាំង៥ “មនុស្ស ផ្លូវ ទឹក ភ្លើង និងបច្ចេកវិទ្យា” នៃយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី ៧ ដោយកិច្ចការអាទិភាពទី២ ក្នុងបញ្ចកោណទី២ […]

អ្នកសារព័ត៌មានបានរាយការជូនលោក មេឃុំខ្វាវ លោកភិនភី ថាមានត្រាក់ទ័រឈូសឆាយដីព្រៃនៅចំណុចភូមិពោធរីងលោកបានឆ្លើយឆ្លង ជាមួយអ្នកសារព័ត៌មានថា នៅទីនោះគ្មានដីព្រៃទេមានតែដីវាល តាមការពិតលោកមេឃុំខ្វាវភិនភី ជាអ្នករួមគំនិតបង្កើតអោយមានបទល្មើសព្រៃឈើជាអ្នកបើកដៃអោយត្រាក់ទ័រចូលឈូសឆាយ។ ដីព្រៃរាប់ហិកតាជាដីតំបន់អភិរក្សរបស់រដ្ឋស្ថិតនៅ ចំណុចភូមិពោធរីង ឃុំខ្វាវ ស្រុកជីក្រែងខេត្តសៀមរាបដែនជម្រកសត្វព្រៃបឹងពែរ។ សៀមរាបចេញផ្សាយថ្ងៃទី30ខែមិនាឆ្នាំ2024 មេឧក្រិដ្ឋជនមានឈ្មោះឡូញបានយកត្រាក់ទ័រចំនួនបីគ្រឿងចូលរុករានទន្រ្ទានព្រៃកាប់បំផ្លាញព្រៃឈើជាច្រើនហិកតា ហែកចែកគ្នាជាប្រព័ន្ធ នៅចំណុចភូមិពោធរីងជាដីដែនជម្រកបឹងពែរ មេឧក្រិដ្ឋជនមានឈ្មោ:ឡូញនៅរស់នៅភូមិពោធរីង ឃុំខ្វាវ ស្រុកជីក្រែងខេត្តសៀមរាប បានយកអាត្រាក់ទ័រចំនួនបីគ្រឿង ចូលឈូសឆាយនឹងកាប់បំផ្លាញព្រៃឈើយកដីយកធ្វើជាកម្មសិទ្ធ របស់ខ្លួនម្ចាស់អាត្រាក់ទ័រមានឈ្មោះឡូញរស់នៅភូមិពោធឃុំខ្វាវស្រុកជីក្រែងខេត្តសៀមរាប ជាម្ចាស់អាត្រាក់ទ័រ កំពុងធ្វើសកម្មភាភឈូសឆាយដីព្រៃការពារដែនជម្រកបឹងពែបាត់បង់បន្តិចម្តងៗ ឈាន ចូលរលាយបាត់ទាំងស្រុង ពីសំណាក់លោកឡូញបានយកអាត្រាក់ទ័របីចំនួនបីគ្រឿង បំផ្លាញព្រៃរដ្ឋហែកចែកគ្នាជាប្រព័ន្ធ តើលោកពៅជុំជាមេដែនជម្រកការពារព្រៃឈើបឹងពែរកំពុងធ្វើការងារអ្វីបានបណ្តោយអោយ ក្រុមឧក្រិដ្ឋជនកាប់បំផ្លាញព្រៃឈើជាច្រើនហិកតាធ្វើមិនដឹងមិនលឺឬមួយលោកពៅជុំជាអ្នក បើកដៃអោយក្រុមឧក្រិដ្ឋជនទាំងនេះបំផ្លាញអោយអស់ទើបលោកសប្បាយចិត្ត ឬមួយលោកបានទទួលលាភសក្ការៈ ពីពួកទាំងនោះហើយមើលទៅបានជាមិនបង្ក្រាប ទុកអោយព្រៃឈើវិនាសហិនហោច ក្រោមស្នាដៃលោកគ្រប់គ្រង លោកពៅជាជាមន្ត្រីអសមត្ថភាព ក្នុងការគ្រប់គ្រង ដែនជម្រកបឹងពែរ តើមន្ត្រីអសកម្មរូបនេះ ទុកបន្តអោយនៅកាន់តទៅទៀតនឹងរលាយបាត់បង់សម្បត្តិជាតិជាពុំខានជាក់ស្តែង ពេលអ្នកសារព័ត៌មានតេហៅ អោយទៅចាប់បទល្មើសលោកឆ្លើយថារវល់រហូត តើមន្ត្រីរូបនេះជាមន្ត្រីមិនបានការជាមន្ត្រីទន់ខ្សោយជាមន្ត្រីអសកម្មបំផុតទាំងខ្លួនស្លៀកពាក់ឯកសណ្ឋាន ជាបរិស្ថានការពារ ធនធានធម្មជាតិ បែជាមន្ត្រីអសមត្ថភាពទៅវិញ។ តើលោកសិនគង់ប្រធានមន្ទីរបរិស្ថាន ខេត្តសៀមរាប តើលោកបានជ្រាបដែរឬទេ លោកពៅជុំកំពុងបើកដៃ អោយក្រុមឧក្រិដ្ឋជនកាប់បំផ្លាញឈូសឆាយដីរបស់រដ្ឋព្រៃឈើយកដី ធ្វើសម្បត្តិផ្ទាល់ខ្លួន នៅចំណុចភូមិពោធរីង ភូមិឃុំខាងលើ សរបញ្ជាក់អោយឃើញថាបើគ្មានការបើដៃពីមន្ត្រីបរិស្ថានពាក់ព័ន្ធ […]

អភិបាលខេត្តព្រះវិហារ ណែនាំមន្ទីរសុខាភិបាលខេត្ត លុបបំបាត់សេវាព្យាបាលឯកជនខុសច្បាប់ និងការផ្សព្វផ្សាយអាហារបំប៉នគ្មានលិខិតអនុញ្ញាត (ព្រះវិហារ)៖ លោក គីម រិទ្ធី អភិបាលខេត្តព្រះវិហារ បានថ្លែងណែនាំដល់មន្ទីរសុខាភិបាលខេត្ត ត្រូវត្រួតពិនិត្យលុបបំបាត់សេវាព្យាបាលឯកជនខុសច្បាប់ និងការផ្សព្វផ្សាយអាហារបំប៉នគ្មានលិខិតអនុញ្ញាតពីក្រសួងសុខាភិបាល ត្រូវតាមដានពិនិត្យ និងវាយតម្លៃគុណភាពសេវាឱ្យបានទៀងទាត់ គិតទាំងគុណភាពសេវាក្នុងវិស័យឯកជនផងដែរ និងត្រូវចាត់វិធានការក្នុងការកែលម្អនូវគ្រប់ចំណុចខ្វះខាត ដើម្បីធ្វើឱ្យគុណភាពនៃការព្យាលជំងឺកាន់តែមានប្រសិទ្ធិភាព និងកាន់តែទទួលបាននូវការជឿទុកចិត្តពីអ្នកជំងឺ។ ការថ្លែងណែនាំរបស់លោក គីម រិទ្ធី ក្នុងឱកាសដែលលោកអញ្ជើញចូលរួមក្នុងពិធីបិទសន្និបាតបូកសរុបលទ្ធផលការប្រចាំឆ្នាំ២០២៣ និងទិសដៅការងារប្រចាំឆ្នាំ២០២៤ របស់មន្ទីរសុខាភិបាលខេត្តព្រះវិហារ នារសៀលថ្ងៃទី២៩ ខែមីនា ឆ្នាំ២០២៤ ដោយមានការចូលរួមពីលោកវជ្ជបណ្ឌិត គួង ឡូ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលខេត្តព្រះវិហារ ព្រមទាំងមន្ត្រីរាជការ តាមមន្ទីរ អង្គភាពជុំវិញខេត្ត លោកអភិបាល អភិបាលរង ក្រុង ស្រុក ប្រធានមន្ទីរពេទ្យបង្អែកខេត្ត ស្រុក មណ្ឌុលសុខភាព ប៉ុស្តសុខភាព មេឃុំ ចៅសង្កាត់ និងដៃគូរអភិវឌ្ឍន៍ជាច្រើនទៀត។ លោក គីម រិទ្ធី បានថ្លែងកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ ចំណុះរចនាសម្ព័ន្ធមន្ទីរសុខាភិបាល លោកគ្រូពេទ្យ អ្នកគ្រូពេទ្យ និងសហការីទាំងអស់ដែលបានខិតខំយកចិត្តទុកដាក់អនុវត្តតួនាទី […]

មណ្ឌលគិរី៖ អាជ្ញាធរខេត្តមណ្ឌលគិរី បានជម្រុញដល់មន្ទីរពាក់ព័ន្ធ ជាពិសេសមន្ទីរវប្បធម៌ និងវិចិត្រសិល្បៈ ។ ត្រូវធ្វើការ ផ្សព្វផ្សាយឱ្យបានទូលំទូលាយ នូវតម្លៃវប្បធម៌ និងសិល្បៈជាតិដល់មហាជនទូទៅ ជាពិសេសយុវជនគ្រប់ស្រទាប់ទាំងក្នុង និងក្រៅសាលា និងត្រូវរៀបចំកម្មវិធីផ្ទេរចំណេះ ជំនាញ ពីមនុស្សចាស់ មកក្មេងៗជំនាន់ក្រោយ ដើម្បីបន្តវេន និងថែរក្សា ប្រពៃណីឱ្យបានគង់វង្ស និងចងក្រងនូវប្រវត្តិ ប្រពៃណី ទំនៀមទម្លាប់ របស់បងប្អូនជនជាតិដើមភាគតិច។ លោក នួន សារ៉ន អភិបាលខេត្តស្តីទី ថ្លែងបែបនេះ ក្នុងទិវាវប្បធម៌ជាតិ៣មីនា លើកទី២៦ ឆ្នាំ២០២៤ ក្រោមប្រធានបទ យុវជនដើម្បីវប្បធម៌ជាតិ ដែលប្រព្រឹត្តទៅ សាលមហាស្រប នៃមន្ទីរវប្បធម៌ និងវិចិត្រសិល្បៈខេត្តមណ្ឌលគិរី រសៀលថ្ងៃទី២៩ ខែមីនា ឆ្នាំ២០២៤។ ក្នងពិធីនេះ ក៏មានការចូលរួមពីសំណាក់ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត លោក នួន សារ៉ន អភិបាលខេត្តស្តីទី និងមានការចូលរួមពី ព្រឹទ្ធាចារ្យ នាដកីនិម្មិត ណាន សាម័យ […]

អ្នកការសែតចំនួន៨នាក់ បញ្ជួនខ្លួនទៅតុលាការខេត្តមណ្ឌលគីរី ក្រោយរងបណ្តឹងពីឈ្មួញដឹកឈើ ? 16/03/2024 មណ្ឌលគីរី ÷ នៅព្រឹកទី១៦.០៣.ឆ្នាំ២០២៤ សមត្ថកិច្ចនគរបាលខេត្តមណ្ឌលគិរីបានបញ្ជួនខ្លួនអ្នកកាសែតចំនួន៨នាក់ក្នុងនោះស្រី០២នាក់ប្រុស6នាក់។ ទៅកាន់អយ្យការអមសាលាដំបូងខេត្តមណ្ឌលគីរី ដេីម្បីធ្វេីការសាកសួរ ពីបទ( កំហែងយកប្រាក់ជាង៤០ មុឺនរៀល) តាមបណ្ដឹងរបស់អ្នកដឹកឈើ ។ បេីយោងតាមសេចក្ដីរាយការណ៍ពីខេត្តមណ្ឌលគិរី នៅរសៀលថ្ងៃដដែល ព្រះអាជ្ញា និងចៅក្រម ធ្វេីការសេុីបសួរដល់អ្នកការសែតទាំង៨នាក់ ឬលេីកលែងសម្រេចយ៉ាងណានោះទេសូមអាជ្ញាធរខេត្តមណ្ឌលគិរីមេត្តាដល់ពួកគាត់ផងដោយក្តីអនុគ្រោះ។ បងប្អូនអ្នកសារព័ត៌មានទូទាំងប្រទេស ក៍ដូចជាមហាជនទូទៅព្រមទាំង មជ្ឈដ្ឋានអ្នកច្បាប់ ទទូចអំពាវនាវដល់ ប្រធានអយ្យការអមសាលាដំបូងខេត្តមណ្ឌលគីរី និងឯកឧត្តមថង សាវុន អភិបាលខេត្តមណ្ឌលគិរី មេត្តាយោកយល់ឬធ្វេីកិច្ចសន្យាអ្នកការសែតទាំងប្រាំបីនាក់ ក្នុងនោះមានស្រី០២ ប្រុ6អ្នកសូមមេត្តាដោះលែងពួកគាត់ឲ្យមានសេរីភាព បានវិលត្រឡប់មកផ្ទះវិញ ជួបជុំប្រពន្ធកូនផងទាន —?។

សូមគោរពរាយការណ៍ជូន ឯកឧត្ដម អភិបាលនៃគណៈអភិបាលខេត្តនិងជាប្រធានគណៈបញ្ជាការឯកភាពខេត្ត៖ ថ្ងៃចន្ទ ៩កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៨ ខែមីនា ឆ្នាំ២០២៤ សកម្មភាពការងាររបស់ខណ្ឌរដ្ឋបាលជលផលកំពង់ឆ្នាំងរួមមានខាងក្រោម៖ កម្លាំងសមត្ថកិច្ចផ្នែករដ្ឋបាលជលផលកំពង់ប្រាសាទ សង្កាត់រដ្ឋបាលជលផលជលគីរី សហការជាមួយកងពលអន្តរាគមន៍លេខ១ បានចុះប្រតិបត្តិការប្រទះឃើញសកម្មភាពបទល្មើសជលផលដោយប្រើឧបករណ៍ឆក់ត្រី នៅចំណុច បឹងតាមល់ ភូមិតាមល់លេី ឃុំកោះថ្កូវ ស្រុកជលគិរី ខេត្តកំពង់ឆ្នាំង។ ក្នុងពេលប្រតិបត្តិការជនសង្ស័យបានរត់គេចខ្លួននៅសល់វត្ថុតាងរួមមានខាងក្រោម៖ -អាំងវ៉ាក់ទ័រចំនួន០៣គ្រឿង -អាគុយ១២វ៉ុល ៤០អំពែ ចំនួន ០២ គ្រឿង -ដងឆក់ចំនួន  ០២គូរ -កន្ត្រងចំនួន ០១គ្រឿង -ខ្សែភ្លើងប្រវែង០៨ ម៉ែត្រ -ត្រីចំនួន ០៣គីឡូក្រាម -ម៉ូតូ សង់ការ៉េ ចំនួន២គ្រឿង៖ -ម៉តូសង់ការ៉េ គ្មានស្លាកលេខ ១ គ្រឿង -ម៉ូតូសង់  ពាក់ស្លាកលេខ ភ្នំពេញ 1CN 5204 ចំនួន ០១គ្រឿង បន្ទាប់មកសមត្ថកិច្ចយើងបានដកហូតវត្ថុតាងវត្ថុតាងមករក្សាទុកនៅផ្នែករដ្ឋបាលជលផលកំពង់ប្រាសាទនិងស្រាវជ្រាវរកជនសង្ស័យនិងកសាងសំណុំរឿងតាមនីតិវិធីច្បាប់ស្តីពីជលផល ។ អាស្រ័យដូចបាន​ជម្រាបជូន​ខាងលើ […]

  ពិធីក្រុងពាលីដ៍ធំមួយ បានធ្វើឡើងដើម្បីបើកព្រឹត្តិការណ៍បុណ្យទន្លេលើកទី៨ ឆ្នាំ២០២៤ _ចេញផ្សាយថ្ងៃទី16 ខែមីនា ឆ្នាំ2024៕ (ខេត្តសៀមរាប៖) ក្រសួងទេសចរណ៍ និងក្រសួងស្ថាប័នពាក់ព័ន្ធបានសហការជាមួយខេត្តសៀមរាប ព្រមទាំងសហភាពសហព័ន្ធយុវជនកម្ពុជា បានរៀបចំពិធីក្រុងពាលីបុណ្យទន្លេលើកទី៨ ឆ្នាំ២០២៤ សម្រាប់ការបើកព្រឹត្តិការណ៍បុណ្យនៅក្នុងខេត្តសៀមរាប ក្រោមអធិបតីភាព ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការអន្តរក្រសួងរៀបចំពិធីបុណ្យទន្លេ ដោយមានការចូលរួមពីឯកឧត្តម លោកជំទាវ អស់លោក លោកស្រីជាច្រើននាក់បានអញ្ជើញចូលរួមផងដែរ កាលពីរសៀលថ្ងៃទី១៥ ខែមីនា ឆ្នាំ២០២៤កន្លងទៅ។ ពិធីបុណ្យទន្លេត្រូវបានរៀបចំឡើង ក្នុងគោលបំណងបំផុសចលនាមហាជនឱ្យចូលរួមក្នុងការងារអភិវឌ្ឍ និងអភិរក្សធនធានទន្លេប្រកបដោយនិរន្តភាព និងចូលរួមសម្របយុទ្ធនាការពិធិកម្មទេសចរណ៍ តាមរយៈកាបង្កើតព្រឹត្តិការណ៍ទេសចរណ៍ថ្មីៗ សម្រាប់ខេត្តតាមដងទន្លេនៃកម្ពុជា។ ហើយសម្រាប់ខេត្តសៀមរាបនេះ គឺជាលើកទី១ហើយ ដែលបានធ្វើជាម្ចាស់ផ្ទះនៃការរៀបចំពិធីបុណ្យទន្លេ ស្របពេល ក៏ដូចជាការគាំទ្រដល់យុទ្ធនាការទស្សនាសៀមរាបឆ្នាំ២០២៤។ ព្រឹត្តិការណ៍ដ៏អស្ចារ្យនេះ គឺជាឱកាសមួយដ៏សំខាន់មួយសម្រាប់កម្ពុជាក្នុងការការផ្សព្វផ្សាយសក្តានុពលទេសចរណ៍ខេត្តសៀមរាប និងបណ្តាខេត្តនានា តាមដងទន្លេនៃព្រះរាជាណាចក្រកម្ពុជា ពីព្រោះថាបុណ្យទន្លេនេះ និងមានការចូលរួមពីមន្រ្តីការទូត និងបវរកញ្ញាពិភពលោកអញ្ជើញមកចូលរួម និងភ្ញៀវទេសចរមកកម្សាន្តជាច្រើន ខណៈបច្ចុប្បន្នអត្រាកក់បន្ទប់ស្នាក់នៅស្ទើរតែអស់ហើយនោះ។ កន្លងមក ឯកឧត្តមរដ្ឋមន្រ្តីក្រសួងទេសចរណ៍ បានជំរុញឱ្យក្រុមការងារក្រុមផ្នែកទាំងអស់ត្រូវធ្វើការរៀចំឱ្យម៉តចត់ទាំងការងាររៀបចំសម្អាតស្ទឹងសៀមរាបឱ្យស្អាត ការតុបតែងនៅតាមដងផ្លូវដោយមានការដាក់ពិដាស្វាគមន៍ ដែលរចនារូភាពទាក់ទាញ។ សូមបញ្ជាក់ថា ពិធីបុណ្យទន្លេ រៀបចំឡើង […]

ជនអន្តោប្រវេសន៍ចំរុះជាតិសាសន៍ ខុសច្បាប់ប្រហែល ១៥០០០នាក់ កំពុងត្រូវបានបង្ខាំង អោយធ្វើការងារអនឡាញខុសច្បាប់ក្នុងអាគារចំនួន ១២ នៅក្បែរច្រកទ្វាអន្តរជាតិអូរស្មាច់ ខេត្តឧត្តរមានជ័យ ៖ នៅថ្ងៃទី២១ ខែ កុម្ភៈ ឆ្នាំ២០២៤ មានសេចក្តីរាយការណ៍មួយ ចេញពីច្រកទ្វាអន្តរជាតិអូរស្មាច់ ខេត្ដឧត្ដរមានជ័យ សំណូមពរដល់សម្ដេចបវរធិបតីហ៊ុន ម៉ាណែត ប្រមុខរាជរដ្ឋាភិបាលកម្ពុជា និងឯកឧត្ដមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ មេត្តា ជួយសង្គ្រោះជនអន្តោប្រវេសន៍ខុសច្បាប់ ចំរុះជាតិសាសន៍ទាំងពីរភេទប្រហែល ១៥០០០នាក់ (មួយម៉ឺនប្រាំពាន់នាក់) កំពុងត្រូវបានបង្ខាំង អោយធ្វើការងារអនឡាញខុសច្បាប់ នៅក្នុងអាគារចំនួន ១២ខ្នង ស្ថិតនៅភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ។ អាគារ ដែលត្រូវបានថៅកែអនឡាញខុសច្បាប់របស់ជនជាតិចិនជួលចំនួន ១២អាគារ ក្នុងនោះ មានឈ្មោះអាគារដូចជា G.F.E.D.A .B MC.H.C.i.និងអាគារ ៩ជាន់ មានពីអាគារ  មានជនអន្តោប្រវេសន៍ចំរុះ ជាតិសាសន៍ ទាំងពីរភេទមានចំនួនប្រហែល មួយម៉ឺនប្រាំពាន់នាក់ កំពុងត្រូវបានបង្ខាំង បង្ខំអោយធ្វើការងារអនឡាញ កំពុងដង្ហោយរកការជួយសង្គ្រោះពីថ្នាក់ដឹកនាំ។ ព្រោះកន្លងមក មានការរត់គេច ចេញពីអាគារខាងលើ […]