លោកហាក់លឡេងអបាលរងខេត្តកោះកុង មិនជំទាស់ក្នុងការរកអនុផលផ្លែសំរងទេ តែស្នើពលរដ្ឋកុំឲ្យកាប់បំផ្លាញដើម
ខេត្តកោះកុង÷លោក ហាក់ ឡេង អភិបាលរងខេត្តកោះកុង អះអាងថា លោកមិនជំទាស់ទៅនឹងការរកអនុផលផ្លែសំរងរបស់ពលរដ្ឋនោះទេ ប៉ុន្តែស្នើកុំកាប់បំផ្លាញដើមវាយកផលដែលបង្កឱ្យផុតពូជ
ការរកអនុផលផ្លែសំរងក្នុងព្រៃក្នុងតំបន់ការពារធម្មជាតិលក្ខណៈឡើងបេះពីលើដើម ជារឿងគួរលើកទឹកចិត្ត ប៉ុន្តែបើសិនជាកាប់បំផ្លាញដើមវា ដើម្បីយកផ្លែជារឿងផ្ទុយនឹងច្បាប់ការពារធម្មជាតិ នេះជាការលើកឡើងរបស់ លោក ហាក់ ឡេង អភិបាលរងខេត្ត និងជាប្រធានគណៈកម្មការប្រតិបត្តិការ ដើម្បីទប់ស្កាត់ និងបង្ក្រាបបទល្មើសធនធានធម្មជាតិខេត្ត។
អាជ្ញាធរខេត្តកោះកុង និងមន្ទីរជំនាញ បានជំរុញដល់ប្រជាពលរដ្ឋសហគមន៍ក្នុងស្រុកកោះកុង អាចរកអនុផលផ្លែសំរ៉ងក្នុងព្រៃបានលក្ខណៈបែបប្រពៃណី ចៀសវាងកាប់រំលំដើមវាដែលផ្ទុយនឹងច្បាប់ហាមឃាត់។
លោក ហាក់ ឡេង អភិបាលរ៉ងខេត្ត និងជាប្រធានគណៈកម្មការប្រតិបត្តិការ ដើម្បីទប់ស្កាត់ និងបង្រ្កាបបទល្មើសធនធានធម្មជាតិ ខេត្តកោះកុង លើកឡើងនៅថ្ងៃទី១៥ ខែមីនា ឆ្នាំ២០២៤ថា អាជ្ញាធរមិនហាមឃាត់ការរកអនុផលព្រៃឈើផ្លែសំរ៉ងដើម្បីជីវភាពរបស់ពលរដ្ឋនោះទេ ក៏ប៉ុន្តែសុំឱ្យឡើងបះវាផ្លែពីលើដើម ហើយមិនត្រូវកាប់រំលំបំផ្លាញដើមវាជាដាច់ខាត។
លោក ហាក់ ឡេង សង្កត់ធ្ងន់នៅចំពោះមុខពលរដ្ឋជាច្រើនដែលរកអនុផលផ្លែសំរងថា ដើមសំរងភាគច្រើននៅក្នុងព្រៃតំបន់ការពារធម្មជាតិ ករណីកាប់រំលំដើមវារកផលជារឿងខុសច្បាប់កំនត ដូច្នេះសូមចូលរួមការពារថែរក្សាព្រៃឈើទាំងឱ្យបានគង់វង្សទៅអនាគត។
មិនត្រឹមតែប៉ុណ្ណោះ អាជ្ញាធរខេត្ត មន្ទីរបរិស្ថាន និងមន្ទីរកសិកម្មខេត្ត ជំរុញឱ្យពលរដ្ឋចូលរួមដាំដុះដើមសំរងនៅតាមព្រៃក្នុងសហគមន៍ឡើងវិញ ក្នុងន័យចូលរួមការពារព្រៃ និងរក្សប្រពៃណីរកអនុផលផ្លែសំរ៉ងគ្រប់រដូវកាល។
គួរជម្រាបថា ជាទូទៅ ផ្លែសំរ៉ង ត្រូវបានគេយកទៅកែច្នៃធ្វើជាបង្អែមសម្រាប់ពិសារដោយគេជឿថា វាអាចសម្រកទម្ងន់បញ្ចុះខ្លាញ់ និងអាចធ្វើក្នុងរូបរាងការត្រជាក់ជាដើម។ ការប្រមូលអនុផលព្រៃឈើនេះដែរ ផ្តើមធ្វើឡើង៥ទៅ១០ឆ្នាំម្តងនៅចន្លោះខែកុម្ភៈដល់ខែមេសា ដែលជារដូវពេញការប្រមូលផល។
កន្លងទៅថ្មីៗនេះ ប្រជាពលរដ្ឋឃុំអណ្តូងទឹក ធ្លាប់បានលើកឡើងថា ក្នុង១ថ្ងៃពួកគាត់អាចទិញលក់ផ្លែសំរងបានពី២០០ទៅ៣០០គីឡូក្រាមទៅឈ្នួញនៅតាមបណ្តាខេត្តក្នុងប្រទេសកម្ពុជា និងឈ្នួញនៅវៀតណាមជាដើម។ ផ្លែសំរងប្រភេទចាស់ ក្នុង១គីឡូក្រាមថ្លៃ១៥០០០ទៅ២ម៉ឺនរៀល រីឯផ្លែសំរងដែលហាលស្ងួតហើយក្នុង១គីឡូក្រាមថ្លៃ៧ម៉ឺនរៀលឡើងទៅ៕
