ដីព្រៃលិចទឹកនឹងព្រៃបំរុងស្មាច់ ជាជម្រកមច្ឆាជាតិ ជាច្រើនហិកតាត្រូវបានជនមិនស្គាល់អត្តសញ្ញាណយកគ្រឿងចក្រមកឈូសឆាយយកធ្វើជាកម្មស៊ិតផ្ទាល់ខ្លួន។
ខេត្តកោះកុង÷នៅរសៀលថ្ងៃទី២៨ខែមេសាឆ្នាំ២០២៤លោក ក្រួច បរី សីហា អភិបាលស្រុកបូទុមសាគរ បានប្រើ កណ្ដាប់ដែក ចាត់វិធានការ ទៅលើគ្រឿងចក្រមកលួច ឈូសឆាយដីព្រៃបំរុងស្មាច់ នឹង ដីព្រៃលិចទឹកដែលជាដីជំរក មច្ឆាជាតិ រស់នៅ ដើម្បីបន្តពូជ ប្រមាណ70ហិកតា ដែលជាដីរបស់រដ្ឋ គ្រប់គ្រងដោយរដ្ឋភិបាល ស្រុកបូទុមសាគរ និង រដ្ឋបាល ខេត្តកោះកុង។
នៅក្នុងការចុះចាប់គ្រឿងចក្រ ដែលលួចមកឈូសឆាយដីព្រៃលិចទឹកនោះ ដឹកនាំកម្លាំង ដោយ លោក ខេង សំខាន់ អភិបាលរងស្រុកបូទុមសាគរ លោក រ៉ែម សុធា មន្រ្តីសាលាស្រុក បូទុមសាគរ និង កម្លាំង នគរបាលស្រុក កម្លាំង រាជអាអាវុធហត្ថ ស្រុក លោក ឈេង ហៃ ក្រុមប្រឹក្សាឃុំ អណ្តូងទឹក។
ដោយឡែក តៃកុង គ្រឿងចក្រ បានដាក់មេប្រូចរត់បាទជើងសព្រាតដោយឡែក ថៅកែ គ្រឿងចក្រ វិញនៅមិនទាន់ស្គាល់អត្តសញ្ញាណនៅឡើយទេ តើអ្នកយកគ្រឿងចក្រមកឈូសឆាយនេះជា នណាហើយមាន ខ្នងក្រាសខ្សែធំប៉ុណ្ណា?បានជា ហ៊ាន យកគ្រឿងចក្រមកឈូសឆាយ កាយព្រំដីជាច្រើន ហិកតាយ៉ាងនេះ ហើយមិនមានច្បាប់ អនុញ្ញាតពីរអាជ្ញាធរមូលដ្ឋានទៀតផង។
តាមប្រភពព័ត៌មានពីរប្រជាពលរដ្ឋរស់នៅភូមិជីត្រះឃុំអណ្តូងទឹកបាន ខ្សឹបប្រាប់ អ្នកសារព័ត៌មានយើង ថា ដីនៅកន្លែងនោះសង្ស័យថា មានអ្នកធំ ពីរនាក់ នៅពីក្រោយខ្នង ហើយ ក៌ មានមន្រ្តីសាលាស្រុកបូទុមសាគរ និង មន្រ្តី សាលាខេត្តកោះកុងផងដែរ ដែលឃុបឃិតគ្នាជាប្រព័ន្ធហើយមើលទៅ
ដើម្បីយកដីទាំអស់នេះយកមកហែកចែកគ្នា
ទីតាំងកន្លែងដែល គ្រឿងចក្រលួចមក ឈូសឆាយនោះនៅចំណុច ជី សៀត តាមបណ្ដោយមាត់ព្រែក តាអុក ស្ថិតនៅក្នុងភូមិ ជីត្រេះ ឃុំ អណ្តូងទឹក ស្រុក បុទុមសាគរ ខេត្តកោះកុង។
ចំណែកគ្រឿងចក្រ ដែលអាជ្ញាធរ រឹបអូសនោះបានយកមករក្សាទុកនៅក្នុង អធិការដ្ឋាននគរបាលស្រុកបូទុមសាគរ ដើម្បីចាត់ការវិធានការតាមនិតិវិធីច្បាប់ ហើយនិង ស្វែងរក មុខអ្នកដែល ដែលយកគ្រឿងចក្រមកលួចឈូសឆាយដីនេះ។
ប្រជាពលរដ្ឋ រស់នៅស្រុកបូទុមសាគរ អរគុណ ដល់ លោកក្រូច បូរីសីហា អភិបាលស្រុក បូទុមសាគរ ដែល បាន ចាត់វិធាការក្តៅទៅលើអ្នកដែលលួចឈូសឆាយដីរ របស់រដ្ឋ កុំឱ្យថ្ងៃក្រោយចេះតែហ៊ានលួចមកឈួសឆាយរំលោភបំពានយកដីរបស់រដ្ឋទៀត។
បញ្ជាក់ទីតាំដីដែលធ្វើការឈូសឆាយស្ថិត នៅភូមិ ជីត្រះ ឃុំអណ្ដូងទឹក ស្រុក បូទុមសាគរ
នៅចំណុចក្រោមវាលទីទុយនៅជាប់ព្រែកតាអុក
